Petri Çebotar - kısa söz ustası. Anılmış peetçi, yazıcı, filolog tamannadı 60 yaşını
Источник фотографии: gagauzinfo.mdPötr Afanasiyeviç Çebotar oktӓbri ayın 9-da nışannêêr kendi duuma gününü. Bu yıl anılmış peetçi, yazıcı, filolog tamannadı 60 yaşını. Kendi dostların arasında P. Çebotar kabletti "kısa söz ustası" adını. Halizindӓn da, onun incӓ şakalı peet dörtlükleri diil sade gülümseyi uyandırêrlar, ama koyerlar derin düşünmӓӓ okuyucuyu.
O var nicӓ debreştirsin ortalıı nesoy sa bir parlak fikirlӓn ya da şakaylan. Pötr Afanasieviç aydınnık bir adam, o nicӓ bir güneş, hem nicӓ lüzgӓr. Hiç bir zaman da durgutmêêr kendisini, açan kimӓ sa yardım lӓӓzım! Bӓn onu artık on yıl bileerim, dört yıl oldu nicӓ çalışêêrım onunnan barabar Bilim Aaraştırmak Merkezindӓ, annattı Svetlana Romanova.
Petri Çebotar başladı yaratmaa taa askerciliktӓ. Onun ilk peetlerinnӓn ouyucular tanıştılar "Ana sözü" gazetanın sayfalarında. Üürendi Kişinövdakı Devlet universitetindӓ, filologiya fakultetindӓ. Yazdı lirikalı peetleri sevda, Vatan, tabiat konulara. Ama onun zaametin en büük payı baaşlı folklor hem lingvistika aaraştırmaklara. Petri Çebotar oldu çoyu yazıcıların hem peetçilerin yaratmalarına redaktor.
Baurçudan istorik Konstantin Kurdoglu paylaştı: ‘Bӓn danıştım Petri Çebotar olsun benim "Aaçlık" kiyada redaktor, da o kayıl oldu. Kendi işini o yapêr pek üüsek profesional uurda. Çalışmaa onnunan pek meraklıydı hem kolaydı. O annadı, ne bӓn isteerim geçirmӓӓ kiyadın sayfalarına, yardım etti fikirleri düzgün hem gözӓl erleştirmӓӓ. İştӓn kaarӓ, biz onnunnan çoktankı dostuz. Şakaları becerer düzmӓӓ, deneer insanın tabeetlerini hem can inceliklerini. Bana da o bir cümbüşlü dörtlük baaşladıydı. Diil sık var nicӓ kaarşı gelmӓӓ bölӓ zengin energiyalı adamnan’.
Şindiki zamanda Petri Çebotar ilerledeer yaradıcılık çalışmasını.
Sabaa. md dileer Canabinӓ saalık hem uzun ömür!
