Selda Özdenoglu oldu üüsek musaafir Kongazda hem Çadırda

Источник фотографии: Gagauzinfo.md

Oktӓbrinin 12-da TİKA-nın kordinatoru Selda Özdenoglu dolaştı Kongazda çalışan S. Demirel adına lițeyı. Üüsek musaafir kantarladı düzüntücülük işleri, angılarını geçirdilӓr bıldır.

Nicӓ annattı lițeyın başı Funda Tüfekçi, TİKA-nın kordınatoru kendi sözlerindӓ açıkladı ii davranmasını üüretim kuruma hem üürenicilerӓ. 

Hep bu gün, Selda Özdenoglu barabar agentstvonun düzüntücülük uzmannarınnan baktı nicӓ tamannanêr Stratan (Lunguța) derenin temizlenmesi Çadırda.

Proektӓ görӓ, şindiyadan paklanıldı derenin 3 km uzunnuu, derenin en dolaşıklı 300 metrasını kapladılar betonnan. Bundan kaarӓ, işçilӓr düzdülӓr 11 köpru, angılarından geçerlӓr hem yolcular hem arabalar. Kasabada proektin yardımınnan bir köprüyü kaldırdılar enidӓn.